ചെറുപുഴ: ബസ് യാത്രക്കാരിയുടെ മാല മോഷണം പോയതായി പരാതി. രാജഗിരി സ്വദേശിനി മുരിക്കാനായില്‍ സാനി ലൈജുവിന്റെ രണ്ട് പവന്റെ സ്വര്‍ണ മാലയാണ് ഇന്നലെ ഉച്ചയ്ക്ക് ശേഷം രാജഗിരിയില്‍ നിന്നു ചെറുപുഴയിലേക്കുള്ള യാത്രയ്ക്കിടെ മോഷണം പോയത്. ചെറുപുഴയില്‍ പണയം വയ്ക്കുന്നതിനായി കൊണ്ടുവന്ന മാല ടിക്കറ്റ് എടുക്കുന്നതു വരെ ബാഗില്‍ ഉള്ളതായി പറയുന്നു. ജോസ്ഗിരിയില്‍ നിന്നു കാഞ്ഞങ്ങാടേക്ക് പോവുകയായിരുന്ന ബസിലാണ് സംഭവം. ചെറുപുഴയില്‍ എത്തി മാല എടുക്കാന്‍ നോക്കിയപ്പോഴാണ് നഷ്ടപ്പെട്ടതായി മനസിലായത്. ഉടന്‍ ചെറുപുഴ പൊലിസില്‍ വിവരം അറിയിക്കുകയും ബസ് പൊലിസ് സ്റ്റേഷനില്‍ എത്തിച്ച് പരിശോധന നടത്തുകയും ചെയ്‌തെങ്കിലും ആരെയും പിടികൂടാനായില്ല. പൊലിസ് അന്വേഷണം ആരംഭിച്ചു.