ചില വെബ്‌സൈറ്റുകളില്‍ സന്ദര്‍ശിക്കുമ്പോള്‍ തന്നെ ഇമെയില്‍ ഐഡി വച്ച് സൈന്‍ അപ്പ് ചെയ്യാന്‍ പറയും. നമ്മുടെ മെയില്‍ കൊടുത്താല്‍ പിന്നെ ആകെ പ്രശ്‌നമായിരിക്കും. പ്രധാന്യമര്‍ഹിക്കുന്ന പല മെയിലുകളെയും കാണാതാക്കും വിധത്തില്‍ പിന്നെ മെയിലുകള്‍ വന്നു നിറയും.

ചിലപ്പോള്‍ സ്പാം മെയിലുകളുടെ ഒരു വിസ്‌ഫോടനം തന്നെ സംഭവിച്ചേക്കാം. ഇതിനൊരു പരിഹാരമാണ് മെയിലിനേറ്റര്‍ എന്ന വെബ്‌സൈറ്റ്.

ഈ വെബ്‌സൈറ്റില്‍ നിങ്ങള്‍ക്ക് ഇഷ്ടമുള്ള പേരുവച്ച് ഏതു ഡൊമൈനിലും ഒരു താല്‍ക്കാലിക മെയില്‍ ഐ.ഡി ക്രിയേറ്റ് ചെയ്യാം. അത് നിങ്ങളെ ശല്യം ചെയ്യാനൊന്നും വരില്ല. മണിക്കൂറുകള്‍ കഴിഞ്ഞ് താനേ ഡിലീറ്റ് ആയിക്കോളും.

ഇങ്ങനെ എത്ര മെയില്‍ വേണമെങ്കിലും ഈ വെബ്‌സൈറ്റില്‍ കയറി ക്രിയേറ്റ് ചെയ്യാമെന്നതാണ് മറ്റൊരു പ്രത്യേകത. ശ്രദ്ധിക്കേണ്ടത്, ഇതിന് ഗൂഗിളുമായോ മറ്റു ഡൊമൈനുകളുമായോ ഒരു ബന്ധവുമില്ല. മെയിലിനേറ്റര്‍ വെബ്‌സൈറ്റ് തുറന്നാല്‍ മാത്രമേ നിങ്ങള്‍ക്ക് വന്ന മെയിലുകള്‍ ചെക്ക് ചെയ്യാനാവൂ.