തൃശൂര്‍: കോണ്‍ഗ്രസ് നേതാക്കള്‍ക്കും പ്രവര്‍ത്തകര്‍ക്കും നേരെ നടന്ന പൊലിസ് ലാത്തിച്ചാര്‍ജില്‍ പ്രതിഷേധിച്ച് ഇന്ന് തൃശൂര്‍ ജില്ലയില്‍ യു.ഡി.എഫ് ഹര്‍ത്താല്‍ നടത്തുമെന്ന് ഡി.സി.സി പ്രസിഡന്റ് പി.എ.മാധവന്‍ അറിയിച്ചു.
രാവിലെ ആറ് മുതല്‍ വൈകിട്ട് ആറുവരെയാണ് ഹര്‍ത്താല്‍. പാല്‍, പത്രം, ആശുപത്രി തുടങ്ങിയ അവശ്യസര്‍വിസുകളെ ഹര്‍ത്താലില്‍ നിന്ന് ഒഴിവാക്കിയിട്ടുണ്ട്. ശബരിമല തീര്‍ഥാടകരുടെ വാഹനങ്ങള്‍, ഗുരുവായൂര്‍ ഏകാദശി പ്രമാണിച്ച് ക്ഷേത്രപരിസരം,തൃശൂര്‍ പുത്തന്‍പള്ളിതിരുനാള്‍ ചടങ്ങുകള്‍ നടക്കുന്നതിനാല്‍ പള്ളിപരിസരം എന്നിവയെ ഒഴിവാക്കി.