ഹവാന: ക്യൂബന്‍ വിപ്ലവ നായകന്‍ ഫിദല്‍ കാസ്‌ട്രോ അന്തരിച്ചു. 90 വയസ്സായിരുന്നു. ഹവാനയിലെ ആശുപത്രിയിലായിരുന്നു അന്ത്യം. ഏറെ നാളായി രോഗബാധിതനായിരുന്നു. ക്യൂബന്‍ ടിവിയാണ് വാർത്ത പുറത്തുവിട്ടത്.

പതിറ്റാണ്ടുകളോളം ക്യൂബയുടെ ഭരണത്തലവനായിരുന്ന ഫിദല്‍ കാസ്‌ട്രോ 1926 ഓഗസ്റ്റ് 13 നാണ് ജനിച്ചത്. 1959ല്‍ ഫുള്‍ജെന്‍സിയോ ബാറ്റിസ്റ്റയുടെ ഏകാധിപത്യ ഭരണത്തെ അട്ടിമറിച്ചു കൊണ്ട് ഫിഡൽ അധികാരത്തിലെത്തി.  ആറ് തവണ ക്യൂബന്‍ പ്രസിഡന്‍റായി. ക്യൂബന്‍ കമ്മ്യൂണിസ്റ്റ് പാര്‍ട്ടി നിലവില്‍ വന്ന 1961 മുതല്‍ 2011 വരെ അതിന്റെ സെക്രട്ടറിയായിരുന്നു. രണ്ട് തവണ ചേരിചേരാ പ്രസ്ഥാനത്തിന്റെ ചെയര്‍പേഴ്‌സണായി പ്രവര്‍ത്തിച്ചിട്ടുണ്ട്.