പൂനൈ:പ്രശസ്ത മാധ്യമ പ്രവര്‍ത്തകന്‍ ദിലിപ് പഡ്‌ഗോണ്‍കര്‍ അന്തരിച്ചു. പൂനെയിലെ ഒരു സ്വകാര്യ ആശുപത്രിയിലായിരുന്നു അന്ത്യം. 72 വയസ് പ്രായമുണ്ടായിരുന്നു. ഹൃദയാഘാതമായിരുന്നു മരണ കാരണമെന്ന് അദ്ദേത്തെ പ്രവേശിപ്പിച്ചിരുന്ന റൂബി ഹാള്‍ ക്ലിനിക്ക് ഡയറക്ടര്‍ ഡോ. സഞ്ജയ് പത്താരെ അറിയിച്ചു.
ഹൃദയതകരാറിനെ തുടര്‍ന്ന് നാല് ദിവസം മുമ്പാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.1944ല്‍ പൂനെയിലായിരുന്നു ജനനം. 1968ലാണ് അദ്ദേഹം പത്രപ്രവര്‍ത്തന രംഗത്തേക്ക് വരുന്നത്. മുംബൈയില്‍ ടൈംസ് ഓഫ് ഇന്ത്യയില്‍ ജോലിയില്‍ പ്രവേശിക്കുച്ചു. ഫ്രഞ്ച് ഭാഷ അനായാസം കൈകാര്യം ചെയ്യാന്‍ കഴിയുന്നതുകൊണ്ട് അദ്ദേഹത്തെ ഫ്രാന്‍സിലേക്ക് നിയോഗിച്ചു. 1988ല്‍ എഡിറ്റര്‍ പദവിയിലെത്തുന്നതുവരെ അദ്ദേഹം അവിടെ ജോലി ചെയ്തു. ഏതാണ്ട് ആറുവര്‍ഷത്തോളം ഈ പദവിയിലിരുന്ന അദ്ദേഹം യുനെസ്‌കോയിലും പ്രവര്‍ത്തിച്ചിട്ടുണ്ട്.