കല്‍പ്പറ്റ: 53ാമത് സംസ്ഥാന സീനിയര്‍ ഫുട്‌ബോള്‍ ചാംപ്യന്‍ഷിപ്പില്‍ തൃശൂരും ആലപ്പുഴയും ക്വാര്‍ട്ടറിലേക്ക് മുന്നേറി. ആദ്യ മത്സത്തില്‍ എതിരില്ലാത്ത അഞ്ചു ഗോളുകള്‍ക്ക് കൊല്ലത്തെ പരാജയപ്പെടുത്തിയാണ് തൃശൂര്‍ ക്വാര്‍ട്ടറില്‍ കടന്നത്.
ആലപ്പുഴ ഷൂട്ടൗട്ടില്‍ രണ്ടിനെതിരേ നാലു ഗോളുകള്‍ക്ക് എറണാകുളത്തെയാണ് പരാജയപ്പെടുത്തിയത്. തൃശൂരിനായി ബിനീഷ് ബാലന്‍ ഒന്‍പത്, 43 മിനുട്ടുകളിലും എം.എസ് ജിതിന്‍ 46ാം മിനുട്ടിലും പി ഉബൈദ് 60, എ.എസ് അഖില്‍ജിത്ത് 88 മിനുട്ടുകളില്‍ വല ചലിപ്പിച്ചു. ഷൂട്ടൗട്ടിലേക്ക് നീണ്ട ആലപ്പുഴ-എറണാകുളം മത്സരത്തില്‍ എറണാകുളത്തിന്റെ അഭിജിത്തിന്റെ ഷോട്ട് പുറത്തേക്കു പോയപ്പോള്‍ മാത്യു എം പൗലോസിന്റെ കിക്ക് ഗോള്‍ കീപ്പര്‍ മുഹമ്മദ് സുഹൈല്‍ തട്ടിയകറ്റി. ഇന്നു നടക്കുന്ന ആദ്യ ക്വാര്‍ട്ടര്‍ മത്സരത്തില്‍ കാസര്‍കോട്് തൃശൂരിനെയും രണ്ടാം മത്സരത്തില്‍ വയനാട് ആലപ്പുഴയെയും നേരിടും.