മാറഞ്ചേരി: പെരുമ്പടപ്പ് പുത്തന്‍പള്ളിയിലെ നൂറ്റി ആറാമത് ആണ്ടുനേര്‍ച്ചയ്ക്കു ഭക്തിനിര്‍ഭരമായ തുടക്കം. ഉദ്ഘാടന സനദ് ദാന സമ്മേളനം വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്തു.
പെരുമ്പടപ്പ് ഗ്രാമപഞ്ചായത്ത് പ്രസിഡന്റ് പൊറാടത് കുഞ്ഞിമോന്‍ അധ്യക്ഷനായി.
ഓണംപിള്ളി മുഹമ്മദ് ഫൈസി മുഖ്യപ്രഭാഷണം നടത്തി. അബ്ദുല്ല മുസ്‌ലിയാര്‍ കൈപറ്റ സംസാരിച്ചു.
ഇന്നു വൈകിട്ട് ഏഴിന് അനുസ്മരണ സമ്മേളനവും അവസാന ദിവസമായ ഞായറാഴ്ച ഭക്ഷണ വിതരണവും നടക്കും. രാവിലെ ഏഴുമുതല്‍ വൈകിട്ട് അഞ്ചുവരെയാണ് ഭക്ഷണവിതരണം നടക്കുക.