പോത്തന്‍കോട്: വീടിനു സമീപം പാര്‍ക്ക് ചെയ്തിരുന്ന കാറില്‍ ആസിഡ് ഒഴിച്ചു നശിപ്പിച്ചതായി പരാതി .ഇന്നലെ രാത്രിയിലായിരുന്നു സംഭവം.
പോത്തന്‍കോട് വട്ടക്കരിക്കകം വാളക്കുഴി വിളപ്പില്‍ മുഖത്ത് വീട്ടില്‍ ലതാ കുമാരിയുടെ ആള്‍ട്ടോ കാറിലാണ് ആസിഡ് ഒഴിച്ചത്. വ്യാഴാഴ്ച വൈകുന്നേരം ക്ഷേത്രത്തില്‍ പോയതിനു ശേഷം വീട്ടിനു സമീപം കാര്‍ പാര്‍ക്ക് ചെയ്തിരുന്നു.
ഇന്നലെ രാവിലെ വീട്ടുകാര്‍ നോക്കുമ്പോഴാണ് കാറില്‍ ആസിഡ് ഒഴിച്ചതായി കണ്ടത്. കാറിന്റെ പുറത്തെ പെയ്ന്റ് പൂര്‍ണമായും നശിച്ച അവസ്ഥയിലാണ്. പോത്തന്‍കോട് പൊലിസ് എത്തി പരിശോധന നടത്തി.
ആഴ്ചകള്‍ക്ക് മുമ്പ് പുരയിടത്തില്‍ വഴി വെട്ടുന്നതിനു ജെ.സി.ബി.കയറ്റിയതുമായി ബന്ധപെട്ടു അയല്‍ സ്ഥലഉടമയുമായി തര്‍ക്കം നിലനിന്നിരുന്നതായി ലതാകുമാരി പറഞ്ഞു.