തിരുവനന്തപുരം: വിടവാങ്ങിയ വിപ്ലവ നക്ഷത്രം ഫിദല്‍ കാസ്‌ട്രോയെ അനുസ്മരിച്ച് ഭരണപരിഷ്‌കാര കമ്മീഷന്‍ ചെയര്‍മാന്‍ വിഎസ് അച്യുതാനന്ദന്‍.

ലോകമെങ്ങുമുളള വിപ്ലവപോരാട്ടങ്ങളുടെ ശുക്ര നക്ഷത്രമാണ് ഫിദല്‍ കാസ്‌ട്രോയുടെ വേര്‍പാടോടെ അസ്തമിച്ചതെന്ന് വിഎസ് പറഞ്ഞു. കാസ്‌ട്രോയുടെ വിയോഗം മനുഷ്യരാശിക്ക് ആകെ വലിയ നഷ്ടമാണ് ഉണ്ടാക്കിയിരിക്കുന്നത്.

സാമ്രാജ്യത്വ ശക്തികളെ ധീരമായി പരാജയപ്പെടുത്തിയാണ് കാസ്‌ട്രോ വിപ്ലവപോരാളികളുടെ അടയാളമായി മാറിയത്. കാസ്‌ട്രോയുടെ പോരാട്ടത്തിന് മുന്നില്‍ ഒടുവില്‍ ഏവര്‍ക്കും മുട്ടുകുത്തേണ്ടി വന്നു.

അരനൂറ്റാണ്ട് കാലമായി ക്യൂബയുടെ മാത്രമല്ല ലോകത്തെമ്പാടുമുള്ള മനുഷ്യ മോചന പോരാളികള്‍ക്ക് ഊര്‍ജവും പ്രകാശവും നല്‍കുന്നതായിരുന്നു കാസ്‌ട്രോയുടെ ജീവിതമെന്ന് അദ്ദേഹം പറഞ്ഞു.