ചെന്നൈ: ഡുഡുവിന്റെ ഹാട്രിക്കും സ്വന്തം തട്ടകത്തിലെ ആരാധകരുടെ ആവേശവും ചെന്നൈയിനെ രക്ഷിച്ചില്ല. നോര്‍ത്ത് ഈസ്റ്റ് യൂനൈറ്റഡിന്റെ കരുത്തിനു മുന്നില്‍ സമനിലയ്ക്കു വഴങ്ങേണ്ടി വന്നു.

ഓരോ ഘട്ടത്തിലും ലീഡ് നില പിടിച്ച ചെന്നൈയിന് അവസാന നിമിഷം വരെ വിജയപ്രതീക്ഷയുണ്ടായിരുന്നു. എന്നാല്‍ ഇഞ്ചുറി ടൈമില്‍ നോര്‍ത്ത് ഈസ്റ്റ് സര്‍വ്വശക്തിയുമുപയോഗിച്ച് സമനില പിടിക്കുകയായിരുന്നു.

34, 45, 81 മിനിറ്റുകളിലാണ് ഒമാഗ്‌ബെമി ഡുഡുവിന്റെ മിന്നും ഗോളുകള്‍ നോര്‍ത്ത് ഈസ്റ്റിന്റെ വല കുലുക്കിയത്. 38-ാം മിനിറ്റിലും 51-ാം മിനിറ്റിലും മറുപടി ഗോള്‍ നല്‍കിയതാവട്ടെ വെലെസും. അവസാന പത്തു മിനിറ്റ് ചെന്നൈയില്‍ വിജയം ഉറപ്പിച്ച നിമിഷങ്ങളായിരുന്നു. എന്നാല്‍ 90-ാം മിനിറ്റില്‍ ഘോഷിന്റെ വക ഉഗ്രനൊരു ഗോള്‍ പിറന്നപ്പോള്‍ ചെന്നൈയിന്റെ ആവേശമെല്ലാം കെട്ടടങ്ങി. എങ്കിലും സമനില കൊണ്ട് തൃപ്തിപ്പെടാം.