കോഴിക്കോട്: ഏക സിവില്‍കോഡിനെതിരേ സമസ്ത ജില്ലാ കോഡിനേഷന്‍ കമ്മിറ്റി ഡിസംബര്‍ രണ്ടിന് മുതലക്കുളം മൈതാനിയില്‍ സംഘടിപ്പിക്കുന്ന ശരീഅത്ത് സമ്മേളനത്തിന്റെ റെയ്ഞ്ച്തല പ്രചാരണങ്ങള്‍ സജീവമായി. ജില്ലാതല ഉദ്ഘാടനം കുറ്റിക്കാട്ടൂര്‍ റെയ്ഞ്ചിലെ വെള്ളിപറമ്പ് അരീക്കല്‍ ദാറുല്‍ ഇസ്‌ലാം മദ്‌റസയില്‍ പി. ഹസൈനാര്‍ ഫൈസി നിര്‍വഹിച്ചു. കെ. അബൂബക്കര്‍ വഹബി അധ്യക്ഷനായി. സമസ്ത ജില്ലാ സെക്രട്ടറി ആര്‍.വി കുട്ടിഹസന്‍ ദാരിമി പ്രമേയ പ്രഭാഷണം നടത്തി. മരക്കാര്‍ ഹാജി, മൂസക്കോയ ഹാജി, നിസാം മാസ്റ്റര്‍ സംസാരിച്ചു.