കോഴിക്കോട്: സ്‌നേഹത്തിന്റെ ഉദാത്ത മാതൃകയായ നൗഷാദ് മനുഷ്യ മനസുകളുടെ വഴിവിളക്കാണെന്ന് സി.പി.എം ജില്ലാ സെക്രട്ടറി പി. മോഹനന്‍ മാസ്റ്റര്‍. സി.ഐ.ടി.യു ഓട്ടോ തൊഴിലാളി യൂനിയന്‍ സിറ്റി കമ്മിറ്റിയുടെ ആഭിമുഖ്യത്തില്‍ നടത്തിയ നൗഷാദ് അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
പി.കെ റസാഖ് അധ്യക്ഷനായി. ചടങ്ങില്‍ നൗഷാദ് ഓട്ടോ ചങ്ങാതി ചാരിറ്റബിള്‍ ട്രസ്റ്റിന്റെ ഉദ്ഘാടനം ഡി.വൈ.എഫ്.ഐ അഖിലേന്ത്യാ ജനറല്‍ സെക്രട്ടറി പി.എ മുഹമ്മദ് റിയാസ് നിര്‍വഹിച്ചു.
സി.പി.എം ജില്ലാ കമ്മിറ്റിയംഗം പി.കെ പ്രേംനാഥ് അനുസ്മരണ പ്രഭാഷണം നടത്തി. കെ.ജി അശോകന്‍, കെ.പി കോയ സംസാരിച്ചു. പി.കെ യാസര്‍ അറഫാത്ത് സ്വാഗതവും ഉമ്മര്‍ നന്ദിയും പറഞ്ഞു.
ചടങ്ങില്‍ നഗരത്തിലെ സാമൂഹ്യ പ്രവര്‍ത്തനങ്ങളില്‍ നിറഞ്ഞുനിന്ന ഓട്ടോ തൊഴിലാളികളായ എന്‍.പി ജിനീഷ്, പി.കെ ശ്രീധരന്‍, പാലാരി ശശി, ശംസുദ്ദീന്‍ അരക്കിണര്‍, ഒ. നിഷാദ് എന്നിവരെ ആദരിച്ചു.