കണ്ണൂര്‍: സമസ്ത കോഓഡിനേഷന്‍ കമ്മിറ്റിക്കു കീഴില്‍ രണ്ടിന് കണ്ണൂരില്‍ നടത്തുന്ന ശരീഅത്ത് സംരക്ഷണ റാലി വന്‍ വിജയമാക്കണമെന്നു എസ്.വൈ.എസ് ജില്ലാ കൗണ്‍സില്‍ സംഗമം. ജില്ലയിലെ 12 മണ്ഡലങ്ങളിലും ശരീഅത്ത് സമ്മേളനങ്ങള്‍, ഏരിയാതല പ്രഭാഷണം, ശാഖാതല ഉദ്‌ബോധനം, ഒന്നിന് ജില്ലയിലെ 40 ഏരിയയിലും വാഹന ജാഥ നടത്താനും തീരുമാനിച്ചു. കണ്ണൂര്‍ സിറ്റി അരട്ടക്കപ്പള്ളിയില്‍ കൗണ്‍സില്‍ സംഗമം സമസ്ത സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്തു. അഹ്മദ് തേര്‍ളായി അധ്യക്ഷനായി. മലയമ്മ അബൂബക്കര്‍ ബാഖവി, ആസിഫ് ദാരിമി പുളിക്കല്‍, ഇബ്രാഹിം ബാഖവി പൊന്ന്യം, സലീം ഫൈസി ഇര്‍ഫാനി, എ.കെ അബ്ദുല്‍ ബാഖി വിവിധ വിഷയങ്ങള്‍ അവതരിപ്പിച്ചു. മജ്‌ലിസുന്നൂറിന് സയ്യിദ് സഫ്‌വാന്‍ തങ്ങള്‍ നേതൃത്വം നല്‍കി. സയ്യിദ് കുഞ്ഞിസീതി തങ്ങള്‍, പി.പി മുഹമ്മദ് കുഞ്ഞി, പാലത്തായി മൊയ്തു ഹാജി, ഉമര്‍ നദ്‌വി തോട്ടിക്കല്‍, ഷൗക്കത്തലി മട്ടന്നൂര്‍, ഉസ്മാന്‍ ഹാജി വേങ്ങാട്, അഷ്‌റഫ് ബംഗാളി മുഹല്ല, ഷരീഫ് ബാഖവി വേശാല, സുബൈര്‍ ബാഖവി ഇരിക്കൂര്‍, അബ്ദുല്‍ ഖാദിര്‍ അല്‍ ഖാസിം, എം.വി നജീബ്, സുബൈര്‍ ഉരുവച്ചാല്‍, സത്താര്‍ വളക്കൈ, റഹീം എടവച്ചാല്‍ സംസാരിച്ചു