ചാവക്കാട്: കണ്‍സോള്‍ മെഡിക്കല്‍ ചാരിറ്റബിള്‍ ട്രസ്റ്റിന്റെ നേതൃത്വത്തില്‍ ആരോഗ്യ പരിശോധന ക്യാംപും ബോധവത്ക്കരണക്ലാസും സംഘടിപ്പിച്ചു.'' നമ്മള്‍ ചാവക്കാട്ടുകാര്‍'' ആഗോള സൗഹൃദ വാട്ട്‌സ് ആപ്പ് കൂട്ടായ്മയുടേയും കണ്‍സോള്‍ പാലയൂര്‍ കൂട്ടായ്മയുടേയും സഹകരണത്തോടെ തെക്കന്‍പാലയൂരില്‍ നടന്ന ക്യാംപില്‍ നൂറുകണക്കിന് പേര്‍ പങ്കെടുത്തു. ചാവക്കാട് മുനിസിപ്പല്‍ കൗണ്‍സിലര്‍ ഷാഹിന സലീം ഉദ്ഘാടനം ചെയ്തു. കണ്‍സോള്‍ പ്രസിഡന്റ് പി.പി അബ്ദുള്‍ സലാം അധ്യക്ഷനായി. കണ്‍സോള്‍ മെഡിക്കല്‍ ചാരിറ്റബിള്‍ ട്രസ്റ്റിന്റെ ജീവകാരുണ്യ പ്രവര്‍ത്തനങ്ങളുമായി സഹകരിക്കുന്നവര്‍ക്കുള്ള അസോസിയേറ്റ് മെമ്പര്‍ഷിപ് വിതരണം ദസ്തഗീര്‍ മാളിയേക്കലിന് നല്‍കി പി.വി അബ്ദു ഉദ്ഘാടനം ചെയ്തു.