ചാവക്കാട്: എസ്.കെ.എസ്.എസ്.എഫ് ചാവക്കാട് മേഖല കമ്മിറ്റി യൂനിറ്റ്, ക്ലസ്റ്റര്‍ ഭാരവാഹികള്‍ക്കായി സംഘടിപ്പിക്കുന്ന ഇന്റ്റര്‍ക്കോണ്‍ 2016 ഏകദിന നേതൃ പഠന ക്യാംപ് ഇന്ന് രാവിലെ 9.30ന് കടപ്പുറം അഞ്ചങ്ങാടി തന്‍വീറുല്‍ ഇസ്‌ലാം മദ്‌റസയില്‍ വച്ച് നടക്കും. എസ്.കെ.എസ്.എസ്.എഫ് ജില്ലാ ജന. സെക്രട്ടറി ഷെഹീര്‍ ദേശമംഗലം ഉദ്ഘാടനം ചെയ്യും. മേഖല പ്രസിഡന്റ്് ഷെഫീഖ് ഫൈസിയുടെ അധ്യക്ഷതയില്‍ ചേരുന്ന ക്യാംപിന് ബുഖാറയില്‍ സയ്യിദ് ജലാലുദ്ധീന്‍ ബിന്‍ കോയമ്മ തങ്ങള്‍ പ്രാര്‍ഥനയ്ക്ക് നേതൃത്വം നല്‍കും. വിവിധ സെഷനുകളിലായി നടക്കുന്ന ക്ലാസുകള്‍ക്ക് ഓണമ്പിള്ളി മുഹമ്മദ് ഫൈസി, ബഷീര്‍ ഫൈസി ദേശമംഗലം, സിദ്ധീഖ് ബദ്‌രി നേതൃത്വം നല്‍കുമെന്ന് മേഖലാ ഭാരവാഹികളായ ഷെഫീഖ് ഫൈസി, കൈസ് വെന്മേനാട്, ഷുഹൈബ് മുനക്കകടവ്, ഹാരിസ് ചൊവ്വല്ലൂര്‍പ്പടി തുടങ്ങിയവര്‍ പത്രക്കുറിപ്പില്‍ അറിയിച്ചു.