മാന്നാര്‍:ഫ്രൂട്ട്‌സ് കടയിലേക്ക് പൈനാപ്പിള്‍ കൊണ്ടുവന്ന പെട്ടിയില്‍ വലിയ പാമ്പിനെ കണ്ടെത്തി. ഇന്നലെ വൈകുന്നേരം മാന്നാര്‍ സിറ്റി ഫ്രൂട്ട്‌സ് സ്റ്റാളിലാണ് സംഭവം.രാവിലെ കടയുടമ മുഹമ്മദ് മജീദ് പൈനാപ്പിള്‍ പെട്ടിയില്‍ നിന്നും എടുത്ത് അടുക്കി വരുന്നതിനിടയിലാണ് ഏറ്റവും അടിയിലായി പാമ്പിനെ കണ്ടത്.
ഉടന്‍ തന്നെ പാമ്പിനെ ചാക്കിട്ട് മൂടിയ ശേഷം കടയ്ക്ക് വെളിയിലേക്ക് ഇറങ്ങി ഓടി.സംഭവം അറിഞ്ഞ് നാട്ടുകാരും സമീപ കടക്കാരും എത്തി പാമ്പിരുന്ന പെട്ടി ഒരു വിധത്തില്‍ കടയ്ക്ക് വെളിയില്‍ എത്തിച്ചു. സംഭവം അറിഞ്ഞ് പോലീസും സ്ഥലത്തെത്തി.ഫോറസ്റ്റ് അധികൃതരെ വിവരം അറിയിച്ചതിനെ തുടര്‍ന്ന് രാത്രിയോടെ റാന്നിയില്‍ നിന്നുള്ള വനം വകുപ്പ് ഉദ്യോഗസ്ഥര്‍ എത്തി പാമ്പിനെ ചാക്കിലാക്കി കൊണ്ടുപോയി.
പാമ്പിനെ പിടികൂടിയത് അറിഞ്ഞ് നിരവധി പേരെത്തിയതിനാല്‍ സംസ്ഥാന പാതിയില്‍ മണിയ്ക്കൂറുകളോളം ഗതാഗതവും തടസ്സപ്പെട്ടു.കായംകുളത്ത് നിന്ന് കൊണ്ടുവന്ന പൈനാപ്പിള്‍ പെട്ടിയില്‍ അവിടെ വച്ച് തന്നെ പാമ്പ് കയറി പറ്റിയതാകുമെന്ന് കടക്കാര്‍ പറഞ്ഞു. നാലരയടിയോളം നീളവും വലിയ വണ്ണവുമുള്ള അണലി വിഭാഗത്തില്‍ പെട്ട് പാമ്പാണ് പെട്ടിയില്‍ കടന്ന് കൂടിയത്.