ജമ്മു: ജമ്മു കശ്മിരില്‍ മ്യാന്‍മര്‍ അഭയാര്‍ഥികളായ റൊഹിംഗ്യകള്‍ താമസിക്കുന്ന ചേരിയില്‍ തീപിടിത്തം. മൂന്നു പേര്‍ മരിച്ചു. ആറു പേര്‍ക്ക് പരുക്കേറ്റു. 150 ഓളം കുടിലുകള്‍ ചാമ്പലായി. ജമ്മു കശ്മിരിലെ നര്‍വാലിയിലാണ് തീപിടിത്തം. പരുക്കേറ്റവരില്‍ ചിലരുടെ നില ഗുരുതരമാണ്. ശനിയാഴ്ച പുലര്‍ച്ചെ 12 മണിയോടെയാണ് തീപിടിത്തമുണ്ടായതെന്ന് പൊലിസ് പറഞ്ഞു. കത്തിക്കരിഞ്ഞ മൂന്നു ശരീരങ്ങള്‍ മോര്‍ച്ചറിയിലുണ്ടെന്ന് ജമ്മു മെഡിക്കല്‍ കോളജ് സുപ്രണ്ട് രമേശ് ഗുപ്ത അറിയിച്ചു. തീപിടിത്തത്തിന്റെ കാരണങ്ങളെക്കുറിച്ച് അറിവായിട്ടില്ല.