പരപ്പനങ്ങാടി: ലെന്‍സ്‌ഫെഡ് സ്ഥാപകദിനാചരണത്തിന്റെ ഭാഗമായി തിരൂരങ്ങാടി ഏരിയാ കമ്മിറ്റി വര്‍ഷംതോറും നടത്തിവരുന്ന 'വീട് അവാര്‍ഡ്- 2016'ല്‍ പങ്കെടുക്കാന്‍ ആഗ്രഹിക്കുന്നവരുടെ അപേക്ഷകള്‍ ക്ഷണിച്ചു. ഡിസൈന്‍ചെയ്ത, സൂപ്പര്‍വൈസ് ചെയ്ത വീടിന്റെ ഇപ്പോഴത്തെ ഏരിയ കൃത്യമായി രേഖപ്പെടുത്തിയ പ്ലാനിനൊപ്പം വീട്ടുടമസ്ഥന്റെ സമ്മതപത്രവുമായി ബന്ധപ്പെടണം.
രണ്ടു കാറ്റഗറികളിലായാണ് മത്സരം. കാറ്റഗറി ഒന്നില്‍ 125എംറ്റു വരേയും കാറ്റഗറി രണ്ടില്‍ 275എംറ്റു വരേയും വരുന്ന വീടുകളാണ് പരിഗണിക്കുക . ഒരാള്‍ക്ക് ഒരു കാറ്റഗറിയില്‍ മൂന്നു വീടുകള്‍വരെ സമര്‍പ്പിക്കാം. പ്ലാനിനൊപ്പം വീടിന്റെ ഫോട്ടോ അല്ലങ്കില്‍ ത്രീഡി വ്യൂ സമര്‍പ്പിക്കണം. പ്ലാനില്‍ ഏരിയ അടക്കമുള്ള വിശദ വിവരങ്ങള്‍ ഉള്‍ക്കൊള്ളിച്ചിരിക്കണം. വീട് മലപ്പുറം ജില്ലയ്ക്കകത്തു നിര്‍മിച്ചതായിരിക്കണം. തദ്ദേശസ്വയംഭരണ സ്ഥാപനങ്ങളില്‍ പ്ലാന്‍ സമര്‍പ്പിക്കുന്നതിനു കേരള അര്‍ബന്‍ അഫയേഴ്‌സ് ഡിപ്പാര്‍ട്ട്‌മെന്റില്‍നിന്ന് ലൈസന്‍സ് ലഭിച്ചിട്ടുള്ള ഏതൊരാള്‍ക്കും അവാര്‍ഡിന് പ്ലാന്‍ സമര്‍പ്പിക്കാവുന്നതാണ്.
അപേക്ഷ ലഭിക്കേണ്ട അവസാന തിയതി: ഡിസംബര്‍ 30. ഫോണ്‍: 9349159008.