മലപ്പുറം: ഷൊര്‍ണൂരില്‍ നടന്ന സംസ്ഥാന ഐ.ടി മേളയില്‍ മലപ്പുറം ജില്ലയ്ക്ക് ഓവറോള്‍ കിരീടം. തുടര്‍ച്ചയായ നാലാം തവണയാണ് മലപ്പുറം കിരീടം നേടിയത്. 116 പോയിന്റ് നേടിയ മലപ്പുറത്തിന് ആകെ നാലിനങ്ങളില്‍ ഒന്നാം സ്ഥാനവും രണ്ടിനങ്ങളില്‍ രണ്ടാം സ്ഥാനവും ലഭിച്ചു.
എച്ച്.എസ്.എസ് വിഭാഗത്തിലെ മികച്ച സ്‌കൂളായി ഐഡിയല്‍ എച്ച്.എസ്.എസ് കടകശ്ശേരിയെ തെരഞ്ഞെടുത്തു.
ജേതാക്കള്‍ക്കു തിരൂര്‍ റെയില്‍വേ സ്റ്റേഷനില്‍ നല്‍കിയ സ്വീകരണത്തില്‍ ജില്ലാ കോഡിനേറ്റര്‍ ടി.കെ റഷീദ് മാസ്റ്റര്‍, മാസ്റ്റര്‍ ട്രെയിനര്‍മാരായ ഹബീബ് റഹ്മാന്‍ മാസ്റ്റര്‍, കൃഷ്ണന്‍ മാസ്റ്റര്‍, ഉസ്മാന്‍ മാസ്റ്റര്‍, സന്തോഷ് മാസ്റ്റര്‍, ജയകൃഷ്ണന്‍ മാസ്റ്റര്‍, മുഹമ്മദ് റാഫി മാസ്റ്റര്‍, ഷോജാ ടീച്ചര്‍ എന്നിവര്‍ പങ്കെടുത്തു.