എടപ്പാള്‍: കപട പണ്ഡിതവേഷധാരികള്‍ ഇസ്‌ലാമിക ചിഹ്നങ്ങളേയും ആശയങ്ങളേയും ദുരുപയോഗം ചെയ്യുന്നതായും ഇത്തരക്കാരെ തിരിച്ചറിയണമെന്നും തവനൂര്‍ മണ്ഡലം സുന്നി യുവജന സംഘം പ്രവര്‍ത്തകരുടെ യോഗം ആവശ്യപെട്ടു. ഇത്തരം കപട പണ്ഡിതവേഷധാരികള്‍ വിശ്വാസികളെ ഇസ്‌ലാമിന്റെ പേരില്‍ അക്രമങ്ങളിലേക്ക് തള്ളിവിടുന്നത് സമൂഹത്തില്‍ ഇസ്‌ലാമിന്റെ മുഖം കൂടുതല്‍ വികൃതമാക്കുമെന്നും യോഗം കുറ്റപ്പെടുത്തി. ഖാസിം ഫൈസി പോത്തന്നൂര്‍ അധ്യക്ഷനായി. ഇബ്രാഹിം ബാഖവി, ശിഹാബ് തങ്ങള്‍ കടകശ്ശേരി, ഹുസൈന്‍ ഫൈസി, കെ.എ റഷീദ് ഫൈസി, എം അബ്ദുള്ള കുട്ടി, ഷാഫി മാസ്റ്റര്‍, ടി.എ റഷീദ് ഫൈസി പൂക്കരത്തറ, എ.വി അസീസ് മൗലവി സംസാരിച്ചു.