ചപ്പാരപ്പടവ്: എ.കെ ആന്റണി എം.പിയുടെ പ്രാദേശിക വികസന ഫണ്ടില്‍ വകയിരുത്തി പറക്കോട് നിര്‍മിക്കുന്ന അങ്കണവാടിയുടെയും സേവാകേന്ദ്രത്തിന്റെയും ശിലാസ്ഥാപനം കില ഡയരക്ടര്‍ ഡോ.പി.പി ബാലന്‍ നിര്‍വഹിച്ചു. പഞ്ചായത്ത് പ്രസിഡന്റ് പി.ജെ മാത്യു അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് ടി ലത മുഖ്യാതിഥിയായി. സ്ഥലം സൗജന്യമായി നല്‍കിയ എം ഗോപാലനെ പഞ്ചായത്ത് വൈസ് പ്രസിഡന്റ് മുനീറ പാറോല്‍ ഉപഹാരം നല്‍കി ആദരിച്ചു. ജില്ലാ പഞ്ചായത്ത് മെമ്പര്‍ സുമിത്രാ ഭാസ്‌കരന്‍, ബ്ലോക്ക് പഞ്ചായത്ത് മെമ്പര്‍ എം ലക്ഷ്മണന്‍, പി.കെ സത്യന്‍, പ്രമീള രാജന്‍, എം മൈമൂനത്ത്, ടി.വി പത്മനാഭന്‍, കെ.വി രാഘവന്‍, ഒ.പി ഇബ്രാഹിം കുട്ടി, കെ ഗോപാലന്‍, എം.വി പ്രകാശന്‍ സംസാരിച്ചു.