മടിക്കേരി: നംജറായി പട്ടണക്കടുത്തു ഹൊസപട്ടണയില്‍ എച്ച് .വി ശിവകുമാറിനെ കെട്ടിയിട്ട് വന്‍ കവര്‍ച്ച നടത്തിയ കേസിലെ മുഖ്യആസൂത്രകന്‍ പിടിയില്‍. മടിക്കേരി മംഗള ദേവി നഗരത്തില്‍ താമസിക്കുന്ന ഓട്ടോ ഡ്രൈവര്‍ കൃഷ്ണപ്പനെയാണു പൊലിസ് പിടികൂടിയത്. മുന്‍പ് മടിക്കേരിയിലെ ദേവി ഗ്യാസ് ഏജന്‍സിയുടെ വീട്ടില്‍ വന്‍ കവര്‍ച്ച നടത്തിയ സംഘത്തിലും മുഖ്യപ്രതി കൃഷ്ണപ്പനായിരുന്നു. മറ്റൊരു കളവ് കേസില്‍ ശിക്ഷിക്കപ്പെട്ടു ജയിലിലായിരുന്നു കൃഷ്ണപ്പനും സംഘവും. ഹൊസപട്ടണ കവര്‍ച്ച ജയിലില്‍ നിന്ന് ആസൂത്രണം ചെയ്തതായി സംശയിക്കുന്നതായി പൊലിസ് പറഞ്ഞു. സംഭവത്തില്‍ ആറു പേരെ അറസ്റ്റ് ചെയ്തു. ബാക്കി മൂന്നു പേര്‍ക്കു വേണ്ടിയുള്ള തെരച്ചില്‍ ശക്തമാക്കിയിട്ടുണ്ട്.