കണ്ണൂര്‍: അഖിലേന്ത്യ സമാധാന ഐക്യദാര്‍ഢ്യ സമിതി(ഐപ്‌സോ)യുടെ സംസ്ഥാന സമ്മേളനത്തിന്റെ ഭാഗമായി സ്‌കൂള്‍ വിദ്യാര്‍ഥികള്‍ക്കായി ചിത്രരചന മത്സരം സംഘടിപ്പിച്ചു. ചിത്രകാരന്‍ സെല്‍വന്‍ മേലൂര്‍ ഉദ്ഘാടനം ചെയ്തു. സി എച്ച് വത്സലന്‍ അധ്യക്ഷനായി. ഐപ്‌സോ ദേശീയ പ്രസീഡിയം കമ്മിറ്റിയംഗം ബിനോയ് വിശ്വം, കണ്ണൂര്‍ യൂണിവേഴ്‌സിറ്റി സിന്‍ഡിക്കേറ്റ് മെമ്പര്‍ അഡ്വ പി സന്തോഷ്‌കുമാര്‍ എന്നിവര്‍ മത്സരവേദിയിലെത്തി. എല്‍.പി വിഭാഗത്തില്‍ യഥാക്രമം ബൗദ്ധിക് എസ്(എ.വി.എം സി.പി.എസ് മാഹി), മുഹമ്മദ് റിസ്വാന്‍ റസീല്‍(ഡി.ഐ.എസ് എച്ച്.എസ്.എസ് കണ്ണൂര്‍ സിറ്റി), തുഷാര്‍ കിഷോര്‍(സെന്റ് മൈക്കിള്‍സ് കണ്ണൂര്‍) എന്നിവര്‍ ഒന്നും രണ്ടണ്ടും മൂന്നും സ്ഥാനങ്ങള്‍ നേടി. യു.പി വിഭാഗത്തില്‍ അക്ഷയ ക്ഷമീര്‍(കസ്തൂര്‍ബ പബ്ലിക് സ്‌കൂള്‍, ചിറക്കല്‍), സായന്ത് മനോജ്(ഗവ. ബ്രണ്ണന്‍ എച്ച്.എസ് തലശ്ശേരി), വിഷ്ണു പി(ശ്രീപുരം സ്‌കൂള്‍ കണ്ണൂര്‍) എന്നിവരും, ഹൈസ്‌കൂള്‍ വിഭാഗത്തില്‍ പ്രണയ് പി(ശ്രീപുരം എച്ച്.എസ് കണ്ണൂര്‍), വിവേക് എം(എ.കെ.ജിഎച്ച്.എസ്.എസ് പെരളശ്ശേരി), ശശിര എന്‍.പി(കടമ്പൂര്‍ എച്ച്.എസ്.എസ്) ഒന്നും രണ്ടണ്ടും മൂന്നും സ്ഥാനങ്ങള്‍ നേടി.