കണ്ണൂര്‍: ദേശീയതയുടെ പ്രതീകമായിരുന്നു മുഹമ്മദ് അബ്ദുറഹ്മാന്‍ സാഹിബെന്നു മുന്‍മന്ത്രി കെ സുധാകരന്‍ പറഞ്ഞു. വളപട്ടണത്തു നടന്ന അനുസ്മരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഖിലാഫത്ത് കലാപത്തിന്റെ കാലത്തും അതിനു ശേഷവും അക്രമ വിരുദ്ധവും ദേശാഭിമാന പ്രചോദിതവും മതനിരപേക്ഷവുമായ സമീപനങ്ങളിലൂടെയാണ് അദ്ദേഹം ജനങ്ങളുടെ മനസ് കീഴടക്കിയതെന്നും സുധാകരന്‍ പറഞ്ഞു. കെ.പി.സി.സി ജനറല്‍ സെക്രട്ടറി പി രാമകൃഷ്ണന്‍ അനുസ്മരണ പ്രഭാഷണവും മഹിള കോണ്‍ഗ്രസ് സംസ്ഥാന പ്രസിഡന്റ് ബിന്ദുകൃഷ്ണ, ഡി.സി.സി പ്രസി.കെ സുരേന്ദ്രന്‍, മുഹമ്മദ് ബ്ലാത്തൂര്‍, മാര്‍ട്ടിന്‍ ജോര്‍ജ്, ബിജു ഉമ്മര്‍, ടി ജയകൃഷ്ണന്‍ സംസാരിച്ചു.