കോഴിക്കോട്: 'ഹുബ്ബുറസൂല്‍, ഹുബ്ബുല്‍ വത്വന്‍' എന്ന പ്രമേയത്തില്‍ എസ്.വൈ.എസ് സംസ്ഥാന കമ്മിറ്റി നടത്തുന്ന മീലാദ് കാംപയിനിന് ഇന്ന് പാണക്കാട്ടു വച്ച് തുടക്കമാവും. രാവിലെ ഏഴിനു സയ്യിദ് ഹൈദരലി ശിഹാബ് തങ്ങളുടെ നേതൃത്വത്തില്‍ മൗലിദ് പാരായണം നടക്കും.
കാംപയിന്‍ കാലയളവില്‍ തിരുവനന്തപുരം, എറണാകുളം, കോഴിക്കോട്, കണ്ണൂര്‍ എന്നീ ജില്ലകളില്‍ മീലാദ് സമ്മേളനങ്ങള്‍ നടത്തും. മഹല്ലുതല പ്രവാചക പ്രകീര്‍ത്തന സദസുകള്‍, ഘോഷയാത്രകള്‍, നബിദിന യോഗങ്ങള്‍, ജീവകാരുണ്യ പ്രവര്‍ത്തനങ്ങള്‍ എന്നിവയും സംഘടിപ്പിക്കുമെന്നും പ്രസിഡന്റ് ഹൈദരലി ശിഹാബ് തങ്ങളും ജന. സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലിയും അറിയിച്ചു.