മത്സരങ്ങള്‍ ഗ്രൗണ്ട് മാറി നടത്തിയത് വിനയായിആലപ്പുഴ: റവന്യു ജില്ലാ കായിക  മത്സരങ്ങള്‍ നടന്ന ചേര്‍ത്തല സെന്റ് മൈക്കിള്‍ കോളേജ് ഗ്രൗണ്ടില്‍ പോള്‍ വാള്‍ട്ട് മത്സരങ്ങള്‍ നടത്താന്‍ സൗകര്യമില്ലാതെ വന്നത് ഈ ഇനത്തില്‍ പങ്കെടുക്കേണ്ടിയിരുന്ന കുട്ടികള്‍ക്ക് ബുദ്ധിമുട്ട് സൃഷ്ടിച്ചു.
മത്സരം കിലോമീറ്ററുകള്‍ അകലെയുള്ള ചാര മംഗലം ഗവണ്‍മെന്റ് ഡി.വി.എച്ച്.എസിലാണ് നടത്തിയത്.
പോള്‍ വാള്‍ട്ടില്‍ മത്സരിക്കുന്ന കുട്ടികള്‍ പങ്കെടുക്കേണ്ട മറ്റ് മത്സര ഇനങ്ങള്‍ ഇവര്‍ക്കു വേണ്ടി വൈകിയാണ് തുടങ്ങാന്‍ കഴിഞ്ഞത്. ഇത് മേള അവസാനിപ്പിക്കുന്നതിന് കാലതാമസം നേരിട്ടു.