ശ്രീനഗര്‍: ജമ്മു കശ്മിരിലെ നഗ്രോത സൈനിക ക്യാംപ് ആക്രമിച്ച നാല് ഭീകരരരെയും സൈന്യം വധിച്ചു. എട്ട് മണിക്കൂര്‍ നീണ്ടുനിന്ന ഏറ്റുമുട്ടലിലൂടെയാണ് ഇന്ത്യന്‍ സൈന്യം ഇവരെ വധിച്ചത്. ഭീകരാക്രമണത്തില്‍ മൂന്ന് സൈനികര്‍ കൊല്ലപ്പെട്ടിരുന്നു.

നഗ്രോതയില്‍ ശ്രീനഗര്‍-ജമ്മു ദേശീയ പാതയ്ക്ക് സമീപമുള്ള സൈനിക ക്യാമ്പിനു നേരെയാണ് ആക്രമണമുണ്ടായത്. പുലര്‍ച്ചെ 5.30 ഓടെ സൈനികതാവളത്തിന് മുന്നിലെ സുരക്ഷാവലയം ഭേദിച്ച് അകത്തുകടന്ന ഭീകരര്‍ സൈന്യത്തിന് നേരെ തുടര്‍ച്ചയായി ഗ്രനേഡുകള്‍ എറിഞ്ഞു.

ആക്രമണത്തെ തുടര്‍ന്ന് പ്രദേശവാസികളെ ഒഴിപ്പിച്ചിരുന്നു. നഗ്രോതയിലെ സ്‌കൂളുകള്‍ അടച്ചിടാന്‍ ഉത്തരവിടുകയും ദേശീയ പാതിയലൂടെയുള്ള ഗതാഗതവും നിര്‍ത്തിവെക്കുകയും ചെയ്തിരുന്നു.