ഫറോക്ക്: വീടിനോടു ചേര്‍ന്നുള്ള കിണറിലെ ഗ്രില്ലില്‍ കയറി ജനവാതില്‍ അടക്കാന്‍ ശ്രമിക്കുന്നതിനിടെ ഗ്രില്‍ തകര്‍ന്നു കിണറ്റില്‍ വീണ വീട്ടുജോലിക്കാരിയെ ഫയര്‍ യൂനിറ്റെത്തി രക്ഷപ്പെടുത്തി. ഐക്കരപ്പടി സ്വദേശി സുഹറ(31)യെയാണു രക്ഷപ്പെടുത്തിയത്.
കാലിനു പരുക്കേറ്റ യുവതിയെ ചുങ്കത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഫറോക്ക് പേട്ട കോടമ്പുഴ റോഡില്‍ ബൈത്തുന്നൂരില്‍ ബഷിറിന്റെ 40 അടി താഴ്ചയുള്ള വീട്ടുകിണറ്റില്‍ ഇന്നലെ വൈകിട്ട് ഏഴിനാണു സംഭവം. മീഞ്ചന്തയില്‍ നിന്നെത്തിയ അഗ്നിശമന സേനാംഗങ്ങളായ രമേശന്‍, എം.കെ ഗംഗാധരന്‍ എന്നിവര്‍ കിണറ്റിലിറങ്ങിയാണു രക്ഷാപ്രവര്‍ത്തനം നടത്തിയത്.