കോഴിക്കോട്: നിലമ്പൂരില്‍ മാവോയിസ്റ്റ് നേതാക്കളെ കൊലപ്പെടുത്തിയ സംഭവത്തില്‍ യഥാര്‍ഥ വസ്തുതകള്‍ പുറത്തു കൊണ്ടുവരണമെന്നാവശ്യപ്പെട്ട് ഇന്‍ക്വിലാബ് സ്റ്റുഡന്റ്‌സ് മൂവ്‌മെന്റിന്റെ നേതൃത്വത്തില്‍ കോഴിക്കോട് ലോ കോളജില്‍ വിദ്യാര്‍ഥികള്‍ പഠിപ്പ് മുടക്കി.പ്രതിഷേധ സംഗമം ഗ്രോ വാസു ഉദ്ഘാടനം ചെയ്തു. മാവോയിസ്റ്റ് നേതാക്കളുടെ കൊലപാതകത്തിന്റെ വസ്തുതകള്‍ പുറത്തു കൊണ്ടുവരാന്‍ ജുഡിഷ്യല്‍ അന്വേഷണം പ്രഖ്യാപിക്കണമെന്ന് അദ്ദേഹം ആവശ്യപ്പെട്ടു. മുഖ്യമന്ത്രി മൗനം അവസാനിപ്പിക്കമെന്നും അദ്ദേഹം ആവശ്യപ്പെട്ടു. ബംഗാളിലെ ഇടതുപക്ഷ ഭരണകൂടം മാവോയിസ്റ്റുകള്‍ക്കു നേരെ നടത്തിയ ആക്രമണങ്ങളുടെ തുടര്‍ച്ചയാണ് പിണറായി വിജയന്‍ സര്‍ക്കാര്‍ നടപ്പാക്കുന്നതെന്ന്അഭിലാഷ് പടച്ചേരി പറഞ്ഞു.