പേരാമ്പ്ര: ജില്ലാ കേരളോത്സവം ഡിസംബര്‍ പതിമൂന്ന് മുതല്‍ പതിനെട്ട് വരെ നടക്കും. കലാമത്സരങ്ങള്‍ പേരാമ്പ്ര ടൗണ്‍ കേന്ദ്രീകരിച്ചും കായിക മത്സരങ്ങള്‍ ചക്കിട്ടപാറ സ്റ്റേഡിയത്തിലും വച്ച് നടക്കും. പേരാമ്പ്ര പഞ്ചായത്ത് കോണ്‍ഫ്രന്‍സ് ഹാളില്‍ വച്ച് കേരളോത്സവത്തിന്റെ വിജയത്തിനായി വിപുലമായ സ്വാഗതസംഘം രൂപീകരിച്ചു.
ജില്ലാ വിദ്യാഭ്യാസ സ്ഥിരം സമിതി അധ്യക്ഷന്‍ പി.ജി ജോര്‍ജ് മാസ്റ്റര്‍ യോഗം ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് എ.സി സതി അധ്യക്ഷം വഹിച്ചു. മുന്‍ എം.എല്‍.എമാരായ കെ.കുഞ്ഞമ്മദ് മാസ്റ്റര്‍, എ.കെ പത്മനാഭന്‍ മാസ്റ്റര്‍, രാജന്‍ മരുതേരി , സാജിത് നടുവണ്ണൂര്‍, പി.ബാലന്‍ അടിയോടി, പി.കെ.എം ബാലകൃഷ്ണന്‍, കെ.കെ.എം ഭാസ്‌കരന്‍ , വടകര മുന്‍സിപ്പല്‍ വിദ്യാഭ്യാസ സ്ഥിരം സമിതി അധ്യക്ഷന്‍ കെ.കെ ഗോപാലന്‍ സംസാരിച്ചു. ജില്ലാ യൂത്ത് കോഡിനേറ്റര്‍ കെ പ്രസീത വിശദീകരണം നടത്തി. ജില്ല പഞ്ചായത്തംഗം എ.കെ ബാലന്‍ സ്വാഗതവും സുജാത മനക്കല്‍ നന്ദിയും പറഞ്ഞു. സ്വാഗതസംഘം ഭാരവാഹികളായി ജില്ലാ പഞ്ചായത്ത് പ്രസിഡന്റ് ബാബു പറശേരി ചെയര്‍മാന്‍, ജില്ലാ പഞ്ചായത്തംഗങ്ങളായ മുക്കം മുഹമ്മദ്, എ.കെ ബാലന്‍ വര്‍ക്കിങ് ചെയര്‍മാന്‍മാര്‍, ഓര്‍ഗനൈസിങ് സെക്രട്ടറി പാര്‍ഥസാരഥി (ജില്ലാ പഞ്ചായത്ത് സെക്രട്ടറി) തെരഞ്ഞെടുത്തു. ഗ്രാമബ്ലോക്ക് പഞ്ചായത്ത് ജനപ്രതിനിധികള്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, സന്നദ്ധ സംഘടനാ ഭാരവാഹികള്‍ സ്വാഗതസംഘം രൂപീകരണ യോഗത്തില്‍ സംബന്ധിച്ചു.