തളിപ്പറമ്പ്: പറശ്ശിനി മടപ്പുരയില്‍ പുത്തരി-തിരുവപ്പന മഹോത്സവത്തിനു നാളെ തുടക്കമാകും. ട്രസ്റ്റിയും ജനറല്‍ മാനേജറുമായ പി.എം മുകുന്ദന്‍ മടയന്റെ സാന്നിദ്ധ്യത്തില്‍ മാടമന ഇല്ലത്ത് തമ്പ്രാക്കള്‍ രാവിലെ 11ഓടെ കൊടിയേറ്റും.
ഉച്ചയ്ക്ക് രണ്ടിന് മലയിറക്കവും 3.30 മുതല്‍ കാഴ്ചവരവും ആരംഭിക്കും. രണ്ടിനു പുലര്‍ച്ചെ 5.30ന് പുത്തരി തിരുവപ്പന ആരംഭിക്കും. പറശ്ശിനി മടപ്പുരയുടെ ഉത്സവ ചരിത്രത്തിലാദ്യമായി ഇത്തവണ വെടിക്കെട്ട് പൂര്‍ണമായും ഒഴിവാക്കി. വാര്‍ത്താസമ്മേളനത്തില്‍ പറശ്ശിനി മടപ്പുര ട്രസ്റ്റി ഭാരവാഹികളായ പി.എം സുജിത്ത് കുമാര്‍, പി.എം പ്രേംകുമാര്‍ സംബന്ധിച്ചു.