കാഞ്ഞങ്ങാട്: കഴിഞ്ഞ ദിവസം കുശാല്‍ കടിക്കാലില്‍ പാതക്കരികിലെ കുറ്റിക്കാട്ടില്‍ നിന്നും കണ്ടെത്തിയ വടിവാള്‍, ഇരുമ്പു ദണ്ഡ് തുടങ്ങിയ മരായുധങ്ങള്‍ ഹൊസ്ദുര്‍ഗ് പൊലിസ് കണ്ടെത്തിയ സംഭവത്തില്‍ സമഗ്ര അന്വേഷണം നടത്തണമെന്ന് യൂത്ത് ലീഗ് കാഞ്ഞങ്ങാട് മണ്ഡലം കമ്മിറ്റി ആവശ്യപ്പെട്ടു. ആര്‍.എസ്.എസ് പ്രവര്‍ത്തകര്‍ ശാഖാ പ്രവര്‍ത്തനം നടത്തുന്ന സ്ഥലത്ത് നിന്നാണ് ആയുധങ്ങള്‍ കണ്ടെത്തിയിരിക്കുന്നത്. സമുദായിക ചേരിത്തിരിവുണ്ടാക്കാനുള്ള ശ്രമങ്ങള്‍ കുശാല്‍ നഗര്‍ ഭാഗത്ത് ബി.ജെ.പി-ആര്‍.എസ്.എസ് സംഘങ്ങള്‍ നടത്തി കൊണ്ടിരിക്കുകയാണ്. 2011-ലെ കാഞ്ഞങ്ങാട് കലാപ ദുരന്തം ഇപ്പോഴും കാഞ്ഞങ്ങാട് തീര ദേശ മേഖലയില്‍ ജനങ്ങള്‍ക്കിടയിലും ഭീതിയായി നിലനില്‍ക്കുന്നു. ഈ സമയത്താണ് ആയുധങ്ങള്‍ കുശാല്‍ നഗര്‍ പ്രദേശത്ത് നിന്ന് പൊലിസ് കണ്ടെത്തിയത്.
അതു കൊണ്ട് തന്നെ സംഭവത്തില്‍ സമഗ്ര അന്വേഷണം ആവശ്യപ്പെട്ട് മുഖ്യമന്ത്രി, ഡി.ജി.പി, പ്രതിപക്ഷ നേതാവ്, ജില്ലാ പൊലിസ് മേധാവി എന്നിവര്‍ക്ക് സമഗ്രാന്വേഷണം ആവശ്യപ്പെട്ടു യുത്ത് ലീഗ് കമ്മിറ്റി നിവേദനം നല്‍കും. യോഗത്തില്‍ പ്രസിഡന്റ് ശംസുദ്ദീന്‍ കൊളവയല്‍ അധ്യക്ഷനായി. ജില്ലാ വൈസ് പ്രസിഡന്റ് ബഷീര്‍ കൊവ്വല്‍പള്ളി, മണ്ഡലം ഭാരവാഹികളായ അന്‍വര്‍ ഹസന്‍, ശംസുദ്ദീന്‍ ആവിയില്‍, ഷാമിര്‍ ആറങ്ങാടി, മുനിസിപല്‍ പ്രസിഡന്റ് ഹാരിസ് ബാവനഗര്‍, അജാനൂര്‍ പഞ്ചായത്ത് യൂത്ത്‌ലീഗ് പ്രസിഡന്റ് അഷ്‌റഫ് കൊളവയല്‍, ജന.സെക്രട്ടറി കെ.എം.കെ മുനീര്‍, എം.എസ്.എഫ് ജില്ലാ പ്രസിഡന്റ് ആബിദ് ആറങ്ങാടി, മണ്ഡലം ജന.സെക്രട്ടറി കെ.കെ ബദറുദ്ദീന്‍ അഷ്‌റഫ് ബാവനഗര്‍ തുടങ്ങിയവര്‍ യോഗത്തില്‍ സംസാരിച്ചു.