ഈരാറ്റുപേട്ട: ഈരാറ്റുപേട്ടയില്‍ ഇടതുപക്ഷത്ത് ഭിന്നത രൂക്ഷമാകുന്നു. മുനിസിപ്പാലിറ്റിയിലെ എസ്.ഡി.പി.ഐ ബന്ധമാണ് ഇതിനു കാരണം. കഴിഞ്ഞ ദിവസം എസ്.ഡി.പി.ഐ പിന്തുണയോടുകൂടി ഭരിക്കുന്ന ചെയര്‍മാന്‍ ടി.എം റഷീദിന്റെ നിലപാടില്‍ പ്രതിഷേധിച്ച് ഹര്‍ത്താല്‍ ദിവസം എല്‍.ഡി.എഫ് പ്രകടനത്തില്‍ സി.പി.ഐ വിട്ടു നിന്നിരുന്നു.പിന്നീട് ഇവര്‍ തനിച്ച് ഹര്‍ത്താല്‍ പ്രകടനം നടത്തുകയായിരുന്നു .
ഇതോടെ എല്‍.ഡി.എഫിലെ ഭിന്നിപ്പ് മറ നീക്കി പുറത്തുവന്നു. നഗരസഭയില്‍ ചെയര്‍മാന്‍ ടി.എം റഷീദും എസ്.ഡി.പി.ഐയും പി.സി ജോര്‍ജ് വിഭാഗവും ചേര്‍ന്നാണ് ഭരിക്കുന്നതെന്നും തങ്ങളെ യാതൊരു പരിപാടിയിലുംപങ്കെടുപ്പിക്കുന്നില്ലെന്നും കൂടിയാലോചന നടത്തുന്നില്ലെന്നും സി.പി.ഐ മണ്ഡലം സെക്രട്ടറി എം.ജി ശേഖരന്‍ പറഞ്ഞു.
അതുകൊണ്ടാണ് എല്‍.ഡി.എഫ് നടത്തിയ പ്രകടനത്തില്‍ നിന്ന് വിട്ടു നിന്നതെന്ന് ഇദ്ദേഹം പറഞ്ഞു.