തിരുവനന്തപുരം: കേരള ഖത്തീബ്‌സ് ആന്റ് ഖാസി ഫോറത്തിന്റെ നേതൃത്വത്തില്‍ ഇശ്ഖുറസൂല്‍ സംഗമവും പി.എച്ച്.അബ്ദുല്‍ ഗഫാര്‍ മൗലവി രചിച്ച മൗലിദുറഹ് മത്തില്ലില്‍ ആലമീന്‍ എന്ന ഗ്രന്ഥത്തിന്റെ പ്രകാശനവും ഇന്ന് നടക്കും.
ഉച്ചക്ക് രണ്ടരക്ക് ഇടപ്പഴഞ്ഞി മസ്ജിദുല്‍ ഇജാബയില്‍ നടക്കുന്ന സംഗമം ദക്ഷിണ കേരള ജംഇയ്യത്തുല്‍ഉ ലമ പ്രസിഡന്റ് വടുതല വി.എം.മൂസാ മൗലവി ഉദ്ഘാടനം ചെയ്യും. തിരുവനന്തപുരം വലിയ ഖാസി ചേലക്കുളം അബുല്‍ ബുഷ്‌റാ മൗലവി അധ്യക്ഷത വഹിക്കും. മൗലിദിന്റെ ആവശ്യകത എന്ന വിഷയത്തില്‍ മൗലവി സയ്യിദ് മുസ്തഫാ ഹസ്രത്ത് പഠനക്ലാസ് നയിക്കും.പാനിപ്ര ഇബ്രാഹിം മൗലവി,കെ.കെ.സുലൈമാന്‍ മൗലവി,എ.ആബിദ് മൗലവി,കുറ്റിച്ചല്‍ ഹസന്‍ബസരി മൗലവി,വി.എം.ഫത്തഹുദ്ദീന്‍ റഷാദി,എസ്.മന്‍സുറുദ്ദീന്‍ റഷാദി,കടുവയില്‍ ഷാജഹാന്‍ മൗലവി,സയ്യിദ് പൂക്കോയ തങ്ങള്‍ ബാഖവി,പി.എം.അബ്ദുല്‍ ജലീല്‍ മൗലവി,പനവൂര്‍ നവാസ് മന്നാനി, ദാക്കിര്‍ ഹുസൈന്‍ മൗലവി തുടങ്ങിയവര്‍ സംബന്ധിക്കുമെന്ന് ഫോറം ജനറല്‍ സെക്രട്ടറി പാച്ചല്ലൂര്‍ അബ്ദുസ്സലീം മൗലവി അറിയിച്ചു.