മാനന്തവാടി: ഒരിടവേളയ്ക്കു ശേഷം ജില്ലയില്‍ വീണ്ടും മാവോയിസ്റ്റ് അനുകൂല പോസ്റ്ററുകള്‍. മാനന്തവാടി വിന്‍സന്റ്ഗിരി ആശുപത്രിക്കു മുന്നിലെ റോഡരികിലെ മരത്തിലാണ് ഇന്നലെ രാവിലെ പോസ്റ്റര്‍ കണ്ടെത്തിയത്.
നിലമ്പൂരില്‍ മാവോയിസ്റ്റുകള്‍ വെടിയേറ്റു മരിച്ചതു സംബന്ധിച്ച ചര്‍ച്ചകള്‍ നടക്കവേയാണു വയനാട്ടില്‍ മാവോയിസ്റ്റ് അനുകൂല പോസ്റ്ററുകള്‍ പ്രത്യക്ഷപ്പെട്ടിരിക്കുന്നത്.
നരേന്ദ്രമോദി ക്രിമിനലായിരിക്കാം, പിണറായി വിജയന്‍ ക്രിമിനലായിരിക്കാം, ഉമ്മന്‍ ചാണ്ടി ക്രിമിനലായിരിക്കാം മാവോവാദികള്‍ ക്രിമിനലുകളല്ല. പ്രതികരിക്കുക പ്രതികരണവേദി എന്നീ വാചകങ്ങളുള്ള പോസ്റ്ററാണു കണ്ടെത്തിയത്.