കോഴിക്കോട്്: രാജ്യത്തിനു മാതൃകയായിരുന്ന കേരളത്തിലെ റേഷന്‍ വിതരണ സംവിധാനം അട്ടിമറിക്കപ്പെടുന്നതിനെതിരേ സംസ്ഥാന സര്‍ക്കാര്‍ സത്വരമായി ഇടപെടണമെന്നു മുസ്്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്. 'ഭക്ഷ്യ സുരക്ഷാ നിയമത്തിന്റെ' പേരില്‍ അര്‍ഹര്‍ക്കു റേഷന്‍ നിരോധിക്കുന്ന കേന്ദ്രസര്‍ക്കാര്‍ നടപടി വിരോധാഭാസമാണ്. മുന്‍ഗണനാ ലിസ്റ്റില്‍പ്പെട്ടവര്‍ക്ക് ഭാഗികമായി പേരിനു മാത്രം അരി ലഭിക്കുമ്പോള്‍ അര്‍ഹതയുള്ള മഹാഭൂരിപക്ഷവും ഒന്നും ലഭിക്കാതെ കഷ്ടപ്പെടുകയാണ്.
കേരളം ഉപഭോക്തൃ സംസ്ഥാനമാണെന്ന വസ്തുത പരിഗണിക്കാത്ത കേന്ദ്ര സര്‍ക്കാറിന്റ തത്വദീക്ഷയില്ലാത്ത നിലപാടും സംസ്ഥാന സര്‍ക്കാറിന്റെ അഴകൊഴമ്പന്‍ സമീപനവും മൂലം പൊതു വിതരണ സംവിധാനം താളം തെറ്റിയിരിക്കുന്നു. അരി വിതരണം സുഗമമാക്കാനും പൊതുമാര്‍ക്കറ്റില്‍ അരിവില നിയന്ത്രിക്കാനും സര്‍ക്കാര്‍ ഒന്നും ചെയ്യുന്നില്ല. സപ്ലൈകോയില്‍ പോലും വേണ്ടത്ര അരിയില്ല.
കേന്ദ്രസര്‍ക്കാരുമായി ബന്ധപ്പെട്ട് പരിഹാരം കാണുന്നതില്‍ കുറ്റകരമായ അനാസ്ഥയാണു സംസ്ഥാന സര്‍ക്കാര്‍ പുലര്‍ത്തുന്നതെന്നും അദ്ദേഹം പറഞ്ഞു.