മണ്ണാര്‍ക്കാട്: മണ്ണാര്‍ക്കാട് ഉപജില്ല സ്‌കൂള്‍ കലോത്സവത്തില്‍ ഹൈസ്‌കൂള്‍ വിഭാഗത്തില്‍ എം.ഇ.എസ് മണ്ണാര്‍ക്കാടും, ഹയര്‍ സെക്കന്‍ഡറിയില്‍ കുമരംപുത്തൂര്‍ കല്ലടിയും മുന്നിട്ട് നില്‍ക്കുന്നു. യു.പി യില്‍ എടത്തനാട്ടുകര എ.യു.പി.എസും, എല്‍.പിയില്‍ സെന്റ് ജോര്‍ജ് എല്‍.പി.എസ് അട്ടപ്പാടിയുമാണ് മുന്നിട്ട് നില്‍ക്കുന്നത്. മൂന്ന് ദിവസങ്ങളിലായി നടന്നു വരുന്ന കലാമേള ഇന്ന് സമാപിക്കും. ഹൈസ്‌കൂള്‍ വിഭാഗത്തില്‍ 76 മത്സരങ്ങളില്‍ 93 പോയിന്റ് നേടി എം.ഇ.എസ് മണ്ണാര്‍ക്കാട് ഒന്നാം സ്ഥാനത്തും, 83, 79 പോയിന്റുകള്‍ നേടി യഥാക്രമം കുമരംപുത്തൂര്‍ കല്ലടി എച്ച്.എസും, എം.ഇ.ടി മണ്ണാര്‍ക്കാടും രണ്ടും മൂന്നും സ്ഥാനത്ത് തുടരുകയാണ്.