കുന്നംകുളം: ആരോഗ്യ പരിപാലന രംഗത്ത് പ്രവര്‍ത്തിക്കുന്ന സൗഹൃദ കൂട്ടായ്മയുടെ നേതൃത്വത്തില്‍ സ്തനാര്‍ബുദ ബോധവല്‍കരണവും, പെയിന്‍ ആന്റ് പാലിയേറ്റീവ് പരിചരണ ക്ലാസ്സും സംഘടിപ്പിച്ചു. ആരോഗ്യ സ്ഥിരം സമിതി അധ്യക്ഷ സുമഗംഗാധരന്‍ ഉദ്ഘാടനം ചെയ്തു. കൗണ്‍സിലര്‍ സോമന്‍ചെറുകുന്ന് അധ്യക്ഷനായി.  പ്രായഭേതമന്യേ സ്ത്രീകളില്‍ കാണപെടുന്ന സ്തനാര്‍ബുദം രോഗത്തിന്റെ ഗൗരവവും, സ്വഭാവവും, ലക്ഷണവും  ബോധ്യപെടുത്തുന്നവിധം  താലൂക്ക് ആശുപത്രിയിലെ സര്‍ജറിവിഭാഗത്തിലെ ഡോ. ഷീല ക്ലാസെടുത്തു.  കിഡ്‌നി, കാന്‍സര്‍ തുടങ്ങിയ രോഗികളെ പരിചരിക്കുന്നതിനുള്ള പരിശീലനവും നടന്നു. ജയ്‌സിംഗ്കൃഷ്ണന്‍, ബിജു സി ബേബി, മോഹിനിഷാജന്‍, ബീനാ രവി, പി ആര്‍എന്‍ നമ്പീഷന്‍ സംസാരിച്ചു.