വെള്ളറട: അനധികൃത പന്നിഫാമുകള്‍ക്കെതിരേ    ആര്യന്‍കോട് ഗ്രാമപഞ്ചായത്തിനു മുന്നില്‍ യൂത്തു കോണ്‍ഗ്രസ് നടത്തിവരുന്ന നിരാഹാര സമരം രണ്ടു ദിവസം പിന്നിട്ടു.  മണ്ഡലം പ്രസിഡന്റ് ജെ.എസ് ബ്രമിന്‍ ചന്ദ്രനും മണ്ഡലം സെക്രട്ടറി പൊയ്പാറ സുനിലുമാണ് നിരാഹാരമിരിക്കുന്നത്.  ഫാമുകള്‍ അടച്ചുപൂട്ടുന്നതുവരെ സമരം തുടരുമെന്നു മണ്ഡലം പ്രസിഡന്റ് ജെ.എസ് ബ്രമിന്‍ ചന്ദ്രന്‍ പറഞ്ഞു. എം.എല്‍.എ ശബരിനാഥ് സമരക്കാര്‍ക്കു പിന്തുണയര്‍പ്പിച്ച് എത്തിയിരുന്നു.