ലണ്ടന്‍: ഗരെത് സൗത്ത്‌ഗെയ്റ്റ് ഇംഗ്ലണ്ട് ഫുട്‌ബോള്‍ ടീമിന്റെ പുതിയ പരിശീലകന്‍. സാം അല്ലാര്‍ഡെയ്‌സിനെ ഡിസ്മിസ് ചെയ്തതിനെ തുടര്‍ന്നു നാലു മത്സരങ്ങളില്‍ ഇംഗ്ലീഷ് ടീമിനെ താത്കാലികമായി പരിശീപ്പിച്ചിരുന്നു. തുടര്‍ന്നാണ് സൗത്ത്‌ഗെയ്റ്റിനെ മുഖ്യപരിശീലകനായി നിലനിര്‍ത്താന്‍ ഇംഗ്ലണ്ട് ഫുട്‌ബോള്‍ അസോസിയേഷന്‍ തീരുമാനിച്ചത്. നാലു വര്‍ഷ കരാറിലാണ് സൗത്ത്‌ഗെയ്റ്റ് പരിശീലക സ്ഥാനം ഏറ്റെടുക്കുന്നത്. 2018ലെ ലോകകപ്പും 2020 യൂറോ കപ്പുമാണ് കോച്ചിനു മുന്നിലെ വെല്ലുവിളികള്‍.
ഇംഗ്ലണ്ടിനായി 57 മത്സരങ്ങള്‍ കളിച്ചിട്ടുള്ള താരമാണ് 46കാരനായ സൗത്ത്‌ഗെയ്റ്റ്. കെവിന്‍ കീഗനു ശേഷം ദേശീയ ടീമിനെ പരിശീലിപ്പിക്കുന്ന മുന്‍ ഇംഗ്ലീഷ് താരമായും ഇതോടെ സൗത്ത്‌ഗെയ്റ്റ് മാറി.