മുക്കം: പന്ത്രണ്ടാമത് മുക്കം ഉപജില്ലാ കലോത്സവം ഇന്നു സമാപിക്കും. മൂന്നാം ദിവസമായ ഇന്നലെയും കാര്യമായ പരാതികള്‍ക്കിട നല്‍കാതെ പരിപാടികള്‍ നടന്നു. പ്രധാന വേദികളില്‍ രാത്രി വൈകിയാണു പരിപാടികള്‍ അവസാനിച്ചത്.
ജനറല്‍ എല്‍.പി വിഭാഗത്തില്‍ ഇന്‍ഫന്റ് ജീസസ് തിരുവമ്പാടി, സേക്രഡ് ഹാര്‍ട്ട് തിരുവമ്പാടി എന്നിവയും യു.പി വിഭാഗത്തില്‍ ജി.എം.യു.പി കൊടിയത്തൂര്‍, സേക്രഡ് ഹാര്‍ട്ട് തിരുവമ്പാടി സ്‌കൂളുകളും ഹൈസ്‌കൂള്‍ വിഭാഗത്തില്‍ കൊടിയത്തൂര്‍ പി.ടി.എം ഹയര്‍ സെക്കന്‍ഡറിയും ഹയര്‍ സെക്കന്‍ഡറി വിഭാഗത്തില്‍ ചേന്ദമംഗല്ലൂര്‍ ഹയര്‍ സെക്കന്‍ഡറി സ്‌കൂളും മുന്നിട്ടു നില്‍ക്കുന്നു. അറബിക് കലോത്സവം ഹൈസ്‌കൂള്‍ വിഭാഗത്തില്‍ കൊടിയത്തൂര്‍ പി.ടി.എം ഹയര്‍ സെക്കന്‍ഡറി ജേതാക്കളായി.