കോഴിക്കോട്: നാളെ കോഴിക്കോട്ട് നടക്കുന്ന സമസ്ത ശരീഅത്ത് സംരക്ഷണ സമ്മേളനത്തിനെത്തുന്നവരുടെ വാഹനങ്ങള്‍ രാമനാട്ടുകര, കല്ലായി (തെക്കുഭാഗം) നിന്നുള്ളവ പ്രവര്‍ത്തകരെ സമ്മേളന നഗരിയില്‍ ഇറക്കിയ ശേഷം ബീച്ചിലും മെഡിക്കല്‍ കോളജ്, തൊണ്ടയാട് (കിഴക്കുഭാഗം) നിന്നുള്ളവ ജാഫര്‍ഖാന്‍ കോളനിയിലും കൊയിലാണ്ടി, പുതിയങ്ങാടി (വടക്കുഭാഗം) നിന്നുള്ളവ സ്വപ്നനഗരിയിലും പാര്‍ക്ക് ചെയ്യണം.
സമ്മേളനത്തിനെത്തുന്നവര്‍ നിസ്‌കാരത്തിന് അംഗശുദ്ധിവരുത്തി നഗരിയില്‍ പ്രവേശിക്കണം. കൃത്യം വൈകിട്ട് അഞ്ചിന് സമ്മേളനം ആരംഭിക്കുമെന്നും സ്വാഗതസംഘം ചെയര്‍മാന്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ജനറല്‍ കണ്‍വീനര്‍ നാസര്‍ ഫൈസി കൂടത്തായി അറിയിച്ചു.