തിരുവനന്തപുരം: ഷീലാ തോമസിനെ പൊതുഭരണ വകുപ്പ് അഡീഷണല്‍ ചീഫ് സെക്രട്ടറിയായി  മന്ത്രിസഭാ യോഗം നിയമിച്ചു. ഭരണപരിഷ്‌കാര കമ്മിഷന്‍ മെമ്പര്‍ സെക്രട്ടറിയുടെ അധിക ചുമതല കൂടി അവര്‍ വഹിക്കും.
പൊതുവിദ്യാഭ്യാസ വകുപ്പ് സെക്രട്ടറിയായി ഉഷ ടൈറ്റസിനെയും, തദ്ദേശ ഭരണവകുപ്പ് സെക്രട്ടറിയായി എ. ഷാജഹാനെയും  സംസ്ഥാന സഹകരണ ബാങ്ക് എം.ഡിയായി സുരേഷ് ബാബുവിനെയും നിയമിച്ചു. സഹകരണ കാര്‍ഷിക ഗ്രാമ വികസന ബാങ്കിന്റെ അധിക ചുമതലയും സുരേഷ് ബാബുവിന് നല്‍കി.
ദേവസ്വം വകുപ്പ് സെക്രട്ടറി കെ.ആര്‍. ജ്യോതിലാലിന് ഏവിയേഷന്‍ വകുപ്പിന്റെ അധിക ചുമതലയും, സിവില്‍ സപ്ലൈസ് സെക്രട്ടറി മിനി ആന്റണിക്കു സാമൂഹ്യനീതി വകുപ്പിന്റെ അധിക ചുമതലയും നല്‍കി.