തൃശൂര്‍: ഹബീബ് വലപ്പാട് കുടുംബട്രസ്റ്റും അനുസ്മരണ സമിതിയും ഏര്‍പ്പെടുത്തിയ പുരസ്‌കാരം കഥാകൃത്ത് പി.കെ പാറക്കടവിന് നല്‍കും. 'തിരഞ്ഞെടുത്ത കഥകള്‍ 'എന്ന കൃതിക്കാണ് 10,000 രൂപയും പ്രശസ്തി പത്രവും ശില്‍പവുമടങ്ങുന്ന പുരസ്‌കാരം. ഡോ. പി.വി കൃഷ്ണന്‍ നായര്‍, ബാലചന്ദ്രന്‍ വടക്കേടത്ത്, യു.കെ കുമാരന്‍ എന്നിവരടങ്ങുന്ന ജഡ്ജിങ് കമ്മിറ്റിയാണ് അവാര്‍ഡ് ജേതാവിനെ നിര്‍ണയിച്ചത്.
ഡിസംബര്‍ പത്തിന് വലപ്പാട് ഹൈസ്‌കൂള്‍ ഓഡിറ്റോറിയത്തില്‍ വച്ച്  നടക്കുന്ന ചടങ്ങില്‍ സി. രാധാകൃഷ്ണന്‍ അവാര്‍ഡ് സമ്മാനിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഡോ. പി.വി കൃഷ്ണന്‍ നായര്‍, ബാലചന്ദ്രന്‍ വടക്കേടത്ത്, കെ. ഗോവിന്ദന്‍, ആര്‍.ഐ സക്കറിയ എന്നിവരും വാര്‍ത്താ സമ്മേളനത്തില്‍ പങ്കെടുത്തു.