കോട്ടയം: ദര്‍ശന അന്താരാഷ്ട്ര പുസ്തകമേളയോടനുബന്ധിച്ച് പ്രഖ്യാപിച്ച ദേശീയ പുസ്തക അവാര്‍ഡുകളില്‍ രണ്ടെണ്ണം കോഴിക്കോട്ടെ ലിപി പബ്ലിക്കേഷന്‍സിന് ലഭിച്ചു.
മികച്ച ബാലസാഹിത്യ ഗ്രന്ഥത്തിനുള്ള പുരസ്‌കാരം ലിപി പ്രസിദ്ധീകരിച്ച കെ.വി മോഹന്‍കുമാറിന്റെ കുഞ്ഞനുറുമ്പും മാടപ്രാവും എന്ന പുസ്തകത്തി നും കെ സുരേഷ് മോഹന്‍ലാലിന്റെ നടന വൈഭവത്തെ ആസ്പദമാക്കി തയ്യാറാക്കിയ നടന വിസ്മയം എന്ന ഗ്രന്ഥത്തിന് സ്‌പെഷല്‍ പുരസ്‌കാരവും ലഭിച്ചു. ദര്‍ശന അന്താരാഷ്ട്ര പുസ്തക മേളയോടനുബന്ധിച്ച് നല്‍കിവരുന്ന ദേശീയ അവാര്‍ഡുകള്‍ മുദ്രണത്തിലുള്ള മികവ്, സാഹിത്യ പ്രതിബദ്ധതയുള്ള വിഷയം, വിന്യാസത്തിലുള്ള സവിശേഷത തുടങ്ങിയ മാനദണ്ഡങ്ങളുടെ അടിസ്ഥാനത്തിലാണ്.