പിണങ്ങോട്: ഷൊര്‍ണൂരില്‍ നടന്ന സംസ്ഥാന ശാസ്‌ത്രോത്സവത്തില്‍ സാമൂഹ്യ ശാസ്ത്രമേളയില്‍ പിണങ്ങോട് ഹയര്‍ സെക്കന്‍ഡറിക്ക് ഓവറോള്‍ കിരീടം.
മേളയില്‍ 31 പോയിന്റ് നേടി സ്‌കൂള്‍ സംസ്ഥാനത്ത് ഒന്നാമതെത്തി. സാമൂഹ്യ ശാസ്ത്രമേളയുടെ ഭാഗമായ പ്രസംഗം, ഗണിത ശാസ്ത്രത്തില്‍ സ്റ്റില്‍ മോഡല്‍ എന്നിവയില്‍ ജ്യോതിക ജെയിംസ്, ശരണ്യ കെ ബേബി എന്നിവര്‍ സംസ്ഥാനത്ത് രണ്ടാം സ്ഥാനത്തെത്തി. ഗണിത ശാസ്ത്രത്തില്‍ ഫാത്തിമ നാജിയ, സഫ്രീന റോഷന്‍, കീര്‍ത്തന ശിവദാസ്, പ്രവൃത്തി പരിചയത്തില്‍ സാഹില്‍ ടി അബ്ദുല്‍ മജീദ്, ശീതള്‍ വിനോയ്, റജ തശ്രീഫ്, അസ്്‌ലം ശേര്‍ഖാന്‍, സാമൂഹ്യ ശാസ്ത്രമേളയില്‍ കെ.കെ ശാദിയ, ഷംന ഷെറിന്‍, ജഹാന ഷെറിന്‍, അനൂപ ഹരീഷ്, ഹരിത ഹരീഷ്, അഫ്‌നാന്‍, വിവേകാനന്ദ്, ഷയാന്‍ മുഹമ്മദ്, ഐ.ടി മോളയില്‍ എം രാഹുല്‍ എന്നിവര്‍ എ ഗ്രേഡ് നേടി. പി ജയ്‌സണ്‍, ടി മുജീബ്, അയ്യൂബ്, സീനത്ത്, ഷാജ ചാക്കോ, മഞ്ജു രവീന്ദ്രന്‍, കൃഷ്ണദാസ് എന്നീ അധ്യാപകരാണ് വിദ്യാര്‍ഥികളെ പരിശീലിപ്പിച്ചത്. വിജയികളെ പി.ടി.എ അഭിനന്ദിച്ചു. പ്രിന്‍സിപ്പല്‍ താജ് മന്‍സൂര്‍, പി.ടി.എ പ്രസിഡന്റ് കെ.കെ ഹനീഫ, അബ്ദുല്‍ മജീദ്, ഡാര്‍ലി ക്ലയര്‍ ജോസ്, സുബൈദ ഖാത്തൂര്‍ സംസാരിച്ചു.