കല്‍പ്പറ്റ: സംസ്ഥാന ന്യൂനപക്ഷ ക്ഷേമ വകുപ്പിന്റെ കീഴില്‍ കല്‍പ്പറ്റ പഴയ ബസ് സ്റ്റാന്‍ഡ് ബില്‍ഡിങ്ങില്‍ പ്രവര്‍ത്തിക്കുന്ന മുസ്്‌ലിം യുവജനങ്ങള്‍ക്കായുള്ള പരിശീലന കേന്ദ്രത്തില്‍ പി.എസ്.സി ഫൗണ്ടേഷന്‍(എല്‍.ഡി.സി) കോഴ്‌സിന്റെ പുതിയ ബാച്ചിലേക്കുള്ള അപേക്ഷ ക്ഷണിച്ചു. പരിശീലനം തികച്ചും സൗജന്യമായിരിക്കും. റെഗുലര്‍ ബാച്ചില്‍ തിങ്കള്‍ മുതല്‍ വെള്ളി വരെയും ഹോളിഡേ ബാച്ചില്‍ ശനി, ഞായര്‍ ദിവസങ്ങളിലുമായി ആറു മാസക്കാലമാണ് പരിശീലനം നല്‍കുന്നത്. അപേക്ഷകള്‍ നിര്‍ദ്ദിഷ്ട ഫോമില്‍ (സ്വയം സാക്ഷ്യപ്പെടുത്തിയ സര്‍ടിഫിക്കറ്റുകളുടെ പകര്‍പ്പ് )  പ്രിന്‍സിപ്പല്‍, കോച്ചിങ് സെന്റര്‍ ഫോര്‍ മുസ്്‌ലിം യൂത്ത്, പഴയ ബസ് സ്റ്റാന്‍ഡ് ബില്‍ഡിങ്, കല്‍പ്പറ്റ എന്ന വിലാസത്തില്‍ ഈമാസം 10നകം നല്‍കണം. അപേക്ഷാ ഫോറം ഓഫിസില്‍ നിന്ന് നേരിട്ടും, ംംം.ാശിീശ്യേംലഹളമൃല.സലൃമഹമ.ഴീ്.ശി  എന്ന വെബ്‌സൈറ്റിലും ലഭ്യമാണ്.  വിശദ വിവരങ്ങള്‍ക്ക്  ഫോണ്‍: 04936 202228 .