മലപ്പുറം: മലപ്പുറം സെന്‍ട്രല്‍ സഹോദയയും സി.ബി.എസ്.ഇ സ്‌കൂള്‍ മാനേജുമെന്റ് അസോസിയേഷനും ചേര്‍ന്നു സംഘടിപ്പിക്കുന്ന സി.ബി.എസ്.ഇ ജില്ലാ ശാസ്ത്രമേള ഡിസംബര്‍ മൂന്നിനു വണ്ടൂര്‍ ഓട്ടന്‍ ഇംഗ്ലീഷ് മീഡിയം സ്‌കൂളില്‍ നടക്കും. രാവിലെ 10ന് എ.പി അനില്‍കുമാര്‍ എം.എല്‍.എ ഉദ്ഘാടനം ചെയ്യും.
നാലു കാറ്റഗറികളിലായി സ്റ്റില്‍മോഡല്‍, വര്‍ക്കിങ് മോഡല്‍, പ്രൊജക്ട് എന്നിവയ്ക്കു പുറമേ എ.പി.ജെ അബ്ദുല്‍ കലാമിന്റെ സ്മരണാര്‍ഥം നടത്തുന്ന ക്വിസ് എന്നിവയിലായി 1500ലധികം വിദ്യാര്‍ഥികള്‍ പങ്കെടുക്കും. വ്യക്തിഗത സമ്മാനത്തിന് പുറമേ ഓവറോള്‍ ചാംപ്യന്‍ഷിപ്പും ഓരോ കാറ്റഗറിയിലേയും ആദ്യ മൂന്ന് സ്ഥാനങ്ങളിലെത്തുന്ന സ്‌കൂളുകള്‍ക്കും സമ്മാനങ്ങളും നല്‍കും. തെരഞ്ഞെടുക്കപ്പെടുന്ന കുട്ടിശാസ്ത്രജ്ഞന്‍മാര്‍ക്ക് ഐ.എസ്.ആര്‍.ഒയിലെ സീനിയര്‍ ശാസ്ത്രജ്ഞരുമായി സംവദിക്കാനുളള അവസരവും ലഭിക്കും. പ്രത്യേകം തയാറാക്കിയ ത്രീഡി പ്ലാനറ്റോറിയം ഷോയും ഉണ്ടായിരിക്കും. വാര്‍ത്താസമ്മേളനത്തില്‍ ഡോ. കെ.എം മുഹമ്മദ്, ഡോ. എന്‍.പി ദിവ്യ, മജീദ്, സൂഷീല്‍ പീറ്റര്‍ എന്നിവര്‍ പങ്കെടുത്തു.