ചെന്നൈ: തമിഴ്‌നാട്ടിലെ തിരുച്ചിറപ്പള്ളിയിലെ പടക്ക നിര്‍മാണശാലയിലുണ്ടായ പൊട്ടിത്തെറിയില്‍ 20 പേര്‍ മരിച്ചു. ഇന്നു രാവിലെയാണ് പടക്ക നിര്‍മാണ ഫാക്ടറിയില്‍ സ്‌ഫോടനമുണ്ടായത്. തീ നിയന്ത്രണ വിധേയമാക്കി. 24 പേരാണ് ഫാക്ടറിയില്‍ ഉണ്ടായിരുന്നത്. നാല് പേരെ ഗുരുതര പരുക്കുകളോടെ രക്ഷപ്പെടുത്തി.

രാവിലെ വന്‍ ശബ്ദത്തോടെ ഫാക്ടറി പൊട്ടിത്തെറിക്കുകയായിരുന്നു. സ്‌ഫോടനത്തില്‍ കെട്ടിടം പൂര്‍ണമായും തകര്‍ന്നു. അഗ്നിശമന സേനയുടെ 10 യൂണിറ്റുകള്‍ ചേര്‍ന്നാണ് തീ നിയന്ത്രണ വിധേയമാക്കിയത്. അപകടത്തിന്റെ കാരണമെന്തെന്ന് വ്യക്തമല്ല.