കായംകുളം: ഉപജില്ലാ സ്‌കൂള്‍ കലോത്സവത്തിന് തുടക്കമായി.രാമപുരം ഗവ.എച്ച്.എസ്.എസില്‍ നടക്കുന്ന കലോത്സവം അടുത്ത മാസം മൂന്നിന് സമാപിക്കും. 115 സ്‌കൂളുകളില്‍ നിന്നും 2000 ത്തോളം പ്രതിഭകള്‍ മത്സരത്തില്‍ മാറ്റുരക്കും. ഇന്നലെ രാവിലെ ഒന്‍പതിന് എസ്.എം.സി ചെയര്‍മാന്‍ ആര്‍ ഉല്ലാസ് കുമാര്‍ പതാക ഉയര്‍ത്തി. കലോത്സവ സമ്മേളനം യു പ്രതിഭാഹരി എം.എല്‍.എ ഉദ്ഘാടനം ചെയ്തു. പത്തിയൂര്‍ പഞ്ചായത്ത് പ്രസിഡന്റ് വി പ്രഭാകരന്‍ അധ്യക്ഷത വഹിച്ചു. ജോസ് ഇന്നസെന്റ്, എ.ഇ.ഒ ചന്ദ്രമോഹന്‍, ജില്ലാ പഞ്ചായത്തംഗം മണി വിശ്വനാഥ്, ഇന്ദുസന്തോഷ്, എസ് സുജിത്, ജി പ്രകാശ്, കെ സുകുമാരന്‍ ,സൗമ്യ ശ്യാം, വീണ ,ടി ഗിരിജാകുമാരി, ഗീതാകുമാരി, കെ രാജേഷ് കുമാര്‍ ,രാജീവ് കണ്ടല്ലൂര്‍ എന്നിവര്‍ പങ്കെടുത്തു.